بنگلہ دیش میں مشترکہ کمپنی میں آگ لگنے سے 5 افراد ہلاک اور 100 سے زائد زخمی

مہر خبررساں ایجنسی نے بنگلہ دیش کے ذرائع کے حوالے سے نقل کیا ہے کہ بنگلہ دیش کے ضلع چٹاگانگ میں نیدرلینڈ اور بنگلہ دیش کی مشترکہ کمپنی " بی ایم کنٹینر ڈپو"  میں آگ بھڑک اٹھی جس میں 5 افراد جھلس کر ہلاک جبکہ 100 سے زائد زخمی ہوگئے۔

اطلاعات کے مطابق بی ایم کنٹینر ڈپو میں آتشزدگی کے دوران دھماکہ ہوا۔ فائر سروس کے حکام کا کہنا تھا کہ ڈپو میں دھماکہ اس وقت ہوا جب فائر سروس کے اہلکار اور کنٹینر ڈپو کا عملہ آگ بجھانے کی کوشش کر رہے تھے۔

زخمی ہونے والوں میں پولیس اور فائر سروس کے اہلکار بھی شامل ہیں۔